بما اني من اشد المعجبات بشعر الشاعر حامد زيد حبيت انكم تشاركوني قرأت احلى قصيده من قصائده.

هذي قصيدة حامد زيد / عاتبوها

عــــــــــــــــاتبوهــــــــا

بعد ماقابلتني عاتبوها
على شوف الحبايب حاسبوها
خذوها وابعدوها غصب عني
وعن وجهة طريقي جنبوها
وشالوها عن عيوني غصيبة
عواذل واغصبوني واغصبوها
خذوها من يديني شوف عيني
وعن عيني تعدوا واحجبوها
كلام وصدقوا بالبنت كذبة
وهم اللي من اول كذبوها
وهم وش دخلهم في مال لبن
لابوها والخلايق طالبوها
وفية ماتخون ولا تعاند
جسورة والمواعيد ارعبوها
ملاك كاملة والكامل الله
ولكن العواذل عذربوها
وهي كل ما دعتني تشتكي لي
عن اللي سالفتنا سربوها
تخاف وتلتفت مع كل كلمة
تظن أن العواذل راقبوها
تلفت من عقب ماهي جريئة
شجاعة ماتهاب وهيبوها
واهديها وانا حاير وثاير
مصيبة ياعذاب عذبوها
وهم كل ماخذوها عن طريقي
تراهم صوب قلبي قربوها
وانا ماتعبت قلبي خيانة
خيانة رتبوها وحسبوها
ولايعجز خفوقي لايقابل
جفا من حاربوه وحابوها
وأنا لي عزة تفرض علي
أخاطب بالجفا من خاطبوها
وأكسر لوحة الماضي وأزيله
وأخربها مثل ما خربوها
واذوقهم ندم ماصار فيها
وأشربهم من اللي شربوها
أدلعها واولعها بنفسي
وأشرقها بعد ماغربوها
وأعوضها عن اللي راح كله
وعن ذيك الليالي كل أبوها
غلاي بقلبها مر وتعدى
غلاها لأمها والا لأبوها.

الغاليهـ :::: دلوعه ونص

عاتبوها من القصائد الجميلة للشاعر الرائع حامد زيد
قصيدة روعــة كروعة وجودكِ وإنتقائــكِ
سلمتِ يا الغلا ومشكورة وكلك ذوق
دمـــت رمــــزا للجمـــــــــــــــــال
تقبلي مني خالص ودي وتقديري

¶جريح¶¶نجــد¶

بعد ماقابلتني عاتبوها
على شوف الحبايب حاسبوها
خذوها وابعدوها غصب عني
وعن وجهة طريقي جنبوها
***

ابيات رائعه .. كروعتك غاليتي

الف شكر لكي على النقل الرائع

دمتي بحب وعطاء دائم

الحسناء

((( جريح نجد ))))

انه لمن دواعي سروري تقبلك في صفحتي وانه لشرف عظيم لي

فمثلك مبدع والكل يتمنى ان يمر بطيفه الابداع.

((((((( الحسناء )))))

لا يأتي طرحي رائع مالم تتواجدي فيه

بالفعل لا روعه سوى مروركِ.