حسااااس [الأرشيف] - منتديات عنودي

سلطان الغرام

17-09-2006, 01:17 PM

حسااااس

يقول لكم :
فيه شخص معروف عنه الحساسية الزائدة وهو من اللي ( لهم بالشعر )
الشخص هذا كانت عنده مشكلة ما قدر يلقى لها حل !!!
وهي انه ينام بمكان .. ويصحى بمكان ثاني !!..
( يعني الأخ يمشي وهو نايم ) ..
عموماً .. مرة من المرات نام ( ونسى لا يمصع اصبع البطارية )
وما حس بنفسه إلاّ وهو صاقعٍ راسه بالجدار .. وجه لوجه !
وطبعاً الخطا كان عليه بنسبة 75% ( ولا تسألوني ليه )
أسفر الحادث هذا عن تقشير في بوية الجدار وكسر خشم الأخ وسنونه اللي بالواجهه
وهذا سبب له مشكلة جديدة تمثلت في أن عدد الحروف الهجائية تقلص عنده
إلى 25 حرف ( لأنه رجّع حروف السين والشين والصاد
إلى مصدرها الأصلي –على ذمته- وهو الثاء )
فصاروا الناس يتمسخرون عليه , وطبعاً الشي هذا أثر على نفسيته وخلاه انطوائي
مايحب يطلع من البيت ولا يجلس مع الناس ولا حتى يشوف نفسه بالمراية !!
خصوصاً وانه مثل ما قلت لكم ( حسااااااااااس ) ..

زبدة الكلام
الأخ هاضت قريحته بالأبيات التالية :

يا فثلتي وثلون أثولف مع النـاث
لا ثار ثنّـي منثلـع مـن أثاثـه

هذا وانا حثّـاث بالحيـل حثّـاث
وما ودّي أثمع من كـلام الخثاثـه

ما ودّي أثمع ناث تضحك على ناث
والطبع هـذا مابـي ألبـث لباثـه

وأثلاً أثلاً .. طلعتي مالهـا ثـاث
وجلثتـي بالبيـت أونـث وناثـه

يرتاح راثي من عديمين الاحثـاث
وثـح أثتعـد للمدرثـه والدراثـه

وثلامتكم

الرقم الصعب