سلطان الغرام
05-10-2006, 08:51 AM
** تنبيه :
اخي المقلع .. اختي المقلعه :
بدخولكم هذا الموضوع اللي مدري وش يبي !! فإنكم اشخاص
فاضين تبحثون عن "سعة الصدر" .. واء .. "الوناسه" (>> مايمديكم على اللغة ) التي
لم ولن تجدوها بهذه النكهة إلا هنا << وين يعني ؟
لكن .. وما أدراك ما لكن (>> يابيخك مير) .. أحب أقولكم ان الموضوع هذا ماهو إلا
تكمله لمسلسل ضيقة الصدر .. واء .. المصاله , وماهو الا محاولة "خنبقه" في زمن قلّت
به الخنابق (جمع خنبقه) , وانه (قد) يسبب انفلونزا الطيور ــ لمن هم دون المستوى
المطلوب في المصالة ــ كما صرح بذلك مصدر مسئول في وزارة الزراعة والطيران .
>> تنكت انت ووجهك ؟
نرجع لموضوعنا المليء بالدراما .. واء .. التشويق .. واء .. الأندومي
وعشان ما تقولون وش هاللقافة يا محشش !! أبخلي برطم نملة يرويها لكم بنفسه
واذا فيها تلفيق والا كذب فتراه منه مهوب مني هالمرة
تفضل برطم
>> جاء برطم راز(ن) خشته
احم احم فيه صوت ؟ >> من اولها يا برطم ؟
:
في يوم غابر ليلاً , بارد شتاء , اشرقت شمس يوم جديد << لا تدققون على التعبير تكفون
قمت من النوم فوجدت الغمص مالي(ن) عيوني (حتى ظننت انني اعمى) , والسعابيل تملأ
أرجاء الغرفه (>> نسيت أسكر فمي قبل ما انام ) ... لقيت كيسة الأندومي قدامي !!
ايه نعم ... فطوري اندومي ... وغداي اندومي ... وعشاي اندومي ... حتى سحوري بعد
اندومي .... بس اندومي بطعم الخضار >> لا عاد تنكت تكفى
هذا واقعي اللي مااقدر أغيره , وهو انه منذ خشونة ظلوفي (>> تعرفون الظلوف) والفقر
ملازمني !!... وبسبته ماعندي مصروف شاورما ! وماعندي مصروف فصفص !
ولا حتى حق الدخان >> راعي غنم .... صرت أشوف الفقر في كل مكان ... في الثلاجة !!.
في مخباتي !!.. حتى انه كان يطل علي مع الدريشه !!... ومن زود الميانة صار يجيب
معه خويه (الجوع)!! وحالياً قاعد يتفاوض مع(العطش) عشان يجي معهم يكملنا رابع
بلوت >> تراك مصختها
مسكت كيس الأندومي وافرغته في قدر (بكسر القاف) ... وبينما كنت مفهي والسعابيل
تقوطر في القدر... طق باب الغرفه عندي (ولسان حالي يقول:معقول يكون حرامي ؟!!)
المهم ,, رحت أشوف (الطارق) , لقيته ......
(( فاصل .. ونواااااصل ))
>> يحب التعليق
:
:
:
:
:
:
:
:
((((( عدنا ))))) >> تأثير سبيس تون
رحت أشوف (الطارق) , لقيته دحيم المارج ماسك كورة جمبه ولابس بدلة رياضية
ضيقة عليه حتى ان سرته قامت تويدز (تويق) علينا من حدرها
(( دحيم هذا صديقي اللي تفل علي أبوه في موضوع "معاناتي مع متزوجه" ))
وقال: برطم تجي تلعب معنا كورة ؟
قلت له: قدام بس اخلص اللي في يدي (الاندومي طبعاً)
ويوم بلعت الأندومي جيت ركض عند درجي واطلع البدله حقتي الخضراء اللي مخططه
بأبيض ومكتوب على صدرها وزارة المعارف << مايدري ان اسم الوزارة تغير
وأروح لهم ملبياً نداء دحيم , وانزل للملعب وسط حضور جماهيري كبير (المشكله ان
الجمهور طابين في الملعب بعد) ... طبيت معهم واقعد اشوّت ذا الكورة يمين ويسار.... انا
ما ادري مع من ,, ولاني فاهم شي ,, بس المهم عندي اني ابيض وجه دحيم وأجيب قوول
بغض النظر عن مرمى الفريق المنافس
((طبعاً نمشي على القانون الصادر من الفيفا والمطبق من قبل الإتحاد السعودي اللي يقول:
آخر واحد حارس!!))
شوي الا توصل الكورة لدحيم ... وهو اللي يشوتها فوق (>> جميل نغيمش) ... وكانت
رايحه لمرمانا !! وانا كنت آخر واحد عند القول.. قلت مابدهاش انا راح ارد الكورة..
وأنقز عليها برجلي "دبل كيك" وأطلعها من حلق المرمى (طبعا نسيت اني انا الحارس)
وأجيكم محول على رأسي.. صحيح انه مؤلم.. بس أهم شي اني خلصت الكورة من المرمى
ويجون افراد فريقي ويشيلوني على الأعناق... وسط تصفير وتصفيق من عيال الحارة..
والبنات المعجبات يطلطلون من درايش بيوتهم
وقلت لهم (وحلقي متشقق من كبر الإبتسامة): خلاص رجعوني لغرفتي مابعد الدبل كيك شي
وراحوا زفوني عند غرفتي ,وخلوني أريّح هناك بعد ماسويت لهم الأنجاز الكبير
>> من زود الوناسه نمت وانا مبتسم مثل هالأطخم هذا ==>
صباح اليوم الثاني طق الباب!! بسرعة فتحته (مبسوط من اللي سويته أمس في الملعب)
لقيت شخص لاعبه بوجهه الثعلبه!! قلت له يالحبيب فلوس ماعندي , تبغى زكاة رح شف
في اخر الشارع فيه هيئة اغاثة كودك تلقى شي يسد حاجتك >> يدلها أبو الاندومي
قال: ماعرفتني؟؟؟ انا "رومان ابراموفيتش" رئيس نادي تشيلسي الأنجليزي
قلت له: الملياردير الروسي البطران ماغيره...يالله ان تحييه
قال: قل ماشاء الله >> ايه هين
قلت له: بشرنا وش اخبار تشيلسي عساه طيب << يحسب ان تشيلسي رجال
قال: اقول لا يكثر بس... انا جاي هنا علشاني شفتك امس بالجزيرة الرياضيه وحسيت
ان فيك موهبه كرويه وحبيت اعرض عليك انك تنضم للفريق..لأن فيه مبارة ديربي بين
تشيلسي وارسنال ابغاك تلعبها ....هاه وش قلت ؟
قلت له: قدام للصدام والريوس مفصول
الزبدة جهزت شنطتي للسفر وأخذت بدلتي الخضرا معي (>> على باله بيلعب بها هناك)
ورحنا أنا وابراموفيتش للمطار , كنت لابس نظارة سوداء وطاق اللطمة (فوق البدلة) مابي
أحد يعرفني من الجمهور عشان ما أسبب زحمة في المطار
بس الغريب ان ما يشوفني أحد إلاّ ويضحك ؟!! قلت لبراموفيتش: وشفيهم العالم يضحكون
معقوله عرفوني حتى وأنا متنكر ؟
قال: بعذرهم , شف شكلك بهالنظارة صاير(ن) تقل ذبانة !! >> يذب ابراموفيتش
المهم طرت .. وكلها كم ساعة .. ووصلت لندن ....واخذت لي اجره وعلى ملعب تشيلسي
في الطريق حصلت اشياء غريبه مرة (أغرب من اللي في المطار) !!
لقيت مكتوب على حدى الجدران :
Chelsea is high high and Arsenal is under my sandals
ترجمتها : تشيلسي عالي عالي والأرسنال تحت نعالي
بصراحه شكيت قلت انا بلندن ولا بالنسيم ؟!!
واللي زاد شكي ان حصلت قبل حديقة "الهايد بارك" خيام يبيعون "حطب نص مستوى"
للي وده يكشت في "الهايد بارك"..... وقتها حسيت اني في حدى شيش السفانيه
..وقلت والله منتو هينين يالسعوديين ثقافتكم وصلت لندن <<< ابد تراه مايقصد شي
دخلت الملعب... لقيت المدرجات مليانه جمهور..... و(الشقر) وش كثرهن , قلت في
غظارة نفسي (>> يعني قرارة نفسي): بعذرهم الأوربيين يلعبون زين, لاقين ذا الطخوم
يستعرضون قدامهم... مهوب حنا الله يخلف علينا
ناظرت للجهة الثانية من الملعب والاّ أشوف تكارنه متجمعين في آخر المدرجات يشجعون
الأرسنال ,, يقولون:
We will eat u Piece Piece ....We will eat u like Barshomy
ماني بقايل ترجمتها اخاف يزعل علي (............)
بدت المباراة ... طبعا المدرب الله يخسه حاطني احتياط (ماعندهم اكرام الضيف .. مثلنا)
تقدم ارسنال بهدف سجله تيري هنري... وانا قاعد احاول بالمدرب يدخلني وهو رافض
.....انتهى الشوط الأول ....بدأ الشوط الثاني
وانا مازلت بالأحتياط... شوي والاّ جاب هنري الهدف الثاني ..
بعدها قفلت الأخلاق... قلت للمدرب يا تدخلني ولا ترى ابذب البدله بوجهك ....
قال المدرب: وش عنده رونالدو الغفله؟ (قالها المدرب مستهزئاً)..
وبعد شد وجذب بيني وبين المدرب اقتنع انه يدخلني ... يوم دخلت الملعب تفاجأت بالحكم
واقف قدامي ويمنعني من دخول الملعب !!!
قلت له: خير ليع تمنعني من اني ادخل ؟.. قال: هماك سعودي ؟
قلت له: لا اندونيسي منتهيه اقامته .. اكيييييد سعودي (قلتها مازحاً غاضباً)
قال: وش حيثكم بالسعوديه ماتلعبون الا ثلاث اجانب ؟ قلت له: وانت وش حارق رزك ؟
ان شاءالله نلعب بربع أجنبي.. دورينا وبكيفنا.... قال: دام الدعوة (كيف بكيف) اجل
ما تدخل الملعب إلاّ تجيب ورقة من المرور (عفوا قصدي ورقه من الفيفا)
وبعدها صار الحكم يلعب برموشه مثل هذا الأطخم==>
وانا اطير زي البرق لسويسرا مقر الفيفا... وادخل على بلاتر (رئيس الفيفا) ... وارمي
شماغي على مكتبه (مع اني ماكنت لابس شماغ!).. وقلت له: نخيتك ما نخيت الرخوم
قام بلاتر من كرسيه وقال: أبشر باللي جيت بيه (>> متأثر بالمسلسلات البدوية)
قلت له: ابغى ورقة من عندكم مختومه.. عندي مباراة مهمه الآن والحكم مانعني من اللعب
قال: الحكم صادز(صادق) لازم ورقة بس مهو كل واحد نعطيه ورقه !!!!
قلت له: يعني تبون شهود ومزكيه ولا وش السالفه ؟...
قال: لا مايحتاج ياما مشينا ملفات مهي بكامله وعقود لاعبين واهداف لكن عاد مثلك
عارف لا يخدم بخيل (>> ملعون بلاتر)
قلت له: لك مني شيك مفتوح بس عطني الورقة وخلصني
((كله على حساب ابو ثعلبه ابراموفيتش))
يوم قلت له شيك مفتوح شفت سعابيله تقوطر على المكتب وعلى طول يطلع الورقة
لا ومختومه بعد !!.. أول ما أخذت الورقة حطيت رجلي ,,
واسمعه يناديني: يابرطم وين الحساب ؟
قلت له: الحساب يوم الحساب << حركات عرابجة بوفيات النسيم
جيت لندن طااااير...
وصلت الملعب وباقي دقيقه على نهاية المباراة << لا تدققون ترانا في عصر السرعة
والنتيجه هدفين لهدف لصالح ارسنال... واجيك واحذف الورقة في خشة الحكم... وانطلق
وآخذ الكورة واجيك طاير متجه للمرمى .. يوم صرت حذفة عصى من المرمى وهو
ينبرش علي هنري بكبره >> تراه مايعرف الا ذا اللاعب من الارسنال
ويصفر الحكم عن ضربة جزاء... اول ماطحت مسكت الكورة وحضنتها وقلت والله
مايشوت البلنتي الا انا ... << ابتدائي
قلت هذي فرصتي اني ادخل بوابة العالميه, أجيب هدف تعادل لفريقي من اول لمسه
ولا وش الفرق بيني وبين رونالدينهو أساساً غير الشكل >> طبعاً الطخامة لصالحي
يوم جيت ابسدد البلنتي احترت !! أشوت يمين والاّ يسار..؟!!
بس قررت في النهايه اني اشوت بالنص على الأقل أضمن انها اذا ماجت قوول
فأنها راح تصفق خشة الحارس >> يعني كسبان في النهايه
واشوووووووت الكورة
طااااااااااااااااااااااااااااااخ
شوي ...... والا أشوف الأندومي منتثر في كل مكان بالغرفة... والقدر مطعوج من
صقعته بالجدار ... واصابع رجلي متورمة وتصب دم!!..
مدري ليه ؟؟
بس المهم اني ذاك اليوم ما ذقت الإندومي
وآآآآآآآآآآه يالأندومي
/
وتوته توته... خلصت الحدوته
اخي المقلع .. اختي المقلعه :
بدخولكم هذا الموضوع اللي مدري وش يبي !! فإنكم اشخاص
فاضين تبحثون عن "سعة الصدر" .. واء .. "الوناسه" (>> مايمديكم على اللغة ) التي
لم ولن تجدوها بهذه النكهة إلا هنا << وين يعني ؟
لكن .. وما أدراك ما لكن (>> يابيخك مير) .. أحب أقولكم ان الموضوع هذا ماهو إلا
تكمله لمسلسل ضيقة الصدر .. واء .. المصاله , وماهو الا محاولة "خنبقه" في زمن قلّت
به الخنابق (جمع خنبقه) , وانه (قد) يسبب انفلونزا الطيور ــ لمن هم دون المستوى
المطلوب في المصالة ــ كما صرح بذلك مصدر مسئول في وزارة الزراعة والطيران .
>> تنكت انت ووجهك ؟
نرجع لموضوعنا المليء بالدراما .. واء .. التشويق .. واء .. الأندومي
وعشان ما تقولون وش هاللقافة يا محشش !! أبخلي برطم نملة يرويها لكم بنفسه
واذا فيها تلفيق والا كذب فتراه منه مهوب مني هالمرة
تفضل برطم
>> جاء برطم راز(ن) خشته
احم احم فيه صوت ؟ >> من اولها يا برطم ؟
:
في يوم غابر ليلاً , بارد شتاء , اشرقت شمس يوم جديد << لا تدققون على التعبير تكفون
قمت من النوم فوجدت الغمص مالي(ن) عيوني (حتى ظننت انني اعمى) , والسعابيل تملأ
أرجاء الغرفه (>> نسيت أسكر فمي قبل ما انام ) ... لقيت كيسة الأندومي قدامي !!
ايه نعم ... فطوري اندومي ... وغداي اندومي ... وعشاي اندومي ... حتى سحوري بعد
اندومي .... بس اندومي بطعم الخضار >> لا عاد تنكت تكفى
هذا واقعي اللي مااقدر أغيره , وهو انه منذ خشونة ظلوفي (>> تعرفون الظلوف) والفقر
ملازمني !!... وبسبته ماعندي مصروف شاورما ! وماعندي مصروف فصفص !
ولا حتى حق الدخان >> راعي غنم .... صرت أشوف الفقر في كل مكان ... في الثلاجة !!.
في مخباتي !!.. حتى انه كان يطل علي مع الدريشه !!... ومن زود الميانة صار يجيب
معه خويه (الجوع)!! وحالياً قاعد يتفاوض مع(العطش) عشان يجي معهم يكملنا رابع
بلوت >> تراك مصختها
مسكت كيس الأندومي وافرغته في قدر (بكسر القاف) ... وبينما كنت مفهي والسعابيل
تقوطر في القدر... طق باب الغرفه عندي (ولسان حالي يقول:معقول يكون حرامي ؟!!)
المهم ,, رحت أشوف (الطارق) , لقيته ......
(( فاصل .. ونواااااصل ))
>> يحب التعليق
:
:
:
:
:
:
:
:
((((( عدنا ))))) >> تأثير سبيس تون
رحت أشوف (الطارق) , لقيته دحيم المارج ماسك كورة جمبه ولابس بدلة رياضية
ضيقة عليه حتى ان سرته قامت تويدز (تويق) علينا من حدرها
(( دحيم هذا صديقي اللي تفل علي أبوه في موضوع "معاناتي مع متزوجه" ))
وقال: برطم تجي تلعب معنا كورة ؟
قلت له: قدام بس اخلص اللي في يدي (الاندومي طبعاً)
ويوم بلعت الأندومي جيت ركض عند درجي واطلع البدله حقتي الخضراء اللي مخططه
بأبيض ومكتوب على صدرها وزارة المعارف << مايدري ان اسم الوزارة تغير
وأروح لهم ملبياً نداء دحيم , وانزل للملعب وسط حضور جماهيري كبير (المشكله ان
الجمهور طابين في الملعب بعد) ... طبيت معهم واقعد اشوّت ذا الكورة يمين ويسار.... انا
ما ادري مع من ,, ولاني فاهم شي ,, بس المهم عندي اني ابيض وجه دحيم وأجيب قوول
بغض النظر عن مرمى الفريق المنافس
((طبعاً نمشي على القانون الصادر من الفيفا والمطبق من قبل الإتحاد السعودي اللي يقول:
آخر واحد حارس!!))
شوي الا توصل الكورة لدحيم ... وهو اللي يشوتها فوق (>> جميل نغيمش) ... وكانت
رايحه لمرمانا !! وانا كنت آخر واحد عند القول.. قلت مابدهاش انا راح ارد الكورة..
وأنقز عليها برجلي "دبل كيك" وأطلعها من حلق المرمى (طبعا نسيت اني انا الحارس)
وأجيكم محول على رأسي.. صحيح انه مؤلم.. بس أهم شي اني خلصت الكورة من المرمى
ويجون افراد فريقي ويشيلوني على الأعناق... وسط تصفير وتصفيق من عيال الحارة..
والبنات المعجبات يطلطلون من درايش بيوتهم
وقلت لهم (وحلقي متشقق من كبر الإبتسامة): خلاص رجعوني لغرفتي مابعد الدبل كيك شي
وراحوا زفوني عند غرفتي ,وخلوني أريّح هناك بعد ماسويت لهم الأنجاز الكبير
>> من زود الوناسه نمت وانا مبتسم مثل هالأطخم هذا ==>
صباح اليوم الثاني طق الباب!! بسرعة فتحته (مبسوط من اللي سويته أمس في الملعب)
لقيت شخص لاعبه بوجهه الثعلبه!! قلت له يالحبيب فلوس ماعندي , تبغى زكاة رح شف
في اخر الشارع فيه هيئة اغاثة كودك تلقى شي يسد حاجتك >> يدلها أبو الاندومي
قال: ماعرفتني؟؟؟ انا "رومان ابراموفيتش" رئيس نادي تشيلسي الأنجليزي
قلت له: الملياردير الروسي البطران ماغيره...يالله ان تحييه
قال: قل ماشاء الله >> ايه هين
قلت له: بشرنا وش اخبار تشيلسي عساه طيب << يحسب ان تشيلسي رجال
قال: اقول لا يكثر بس... انا جاي هنا علشاني شفتك امس بالجزيرة الرياضيه وحسيت
ان فيك موهبه كرويه وحبيت اعرض عليك انك تنضم للفريق..لأن فيه مبارة ديربي بين
تشيلسي وارسنال ابغاك تلعبها ....هاه وش قلت ؟
قلت له: قدام للصدام والريوس مفصول
الزبدة جهزت شنطتي للسفر وأخذت بدلتي الخضرا معي (>> على باله بيلعب بها هناك)
ورحنا أنا وابراموفيتش للمطار , كنت لابس نظارة سوداء وطاق اللطمة (فوق البدلة) مابي
أحد يعرفني من الجمهور عشان ما أسبب زحمة في المطار
بس الغريب ان ما يشوفني أحد إلاّ ويضحك ؟!! قلت لبراموفيتش: وشفيهم العالم يضحكون
معقوله عرفوني حتى وأنا متنكر ؟
قال: بعذرهم , شف شكلك بهالنظارة صاير(ن) تقل ذبانة !! >> يذب ابراموفيتش
المهم طرت .. وكلها كم ساعة .. ووصلت لندن ....واخذت لي اجره وعلى ملعب تشيلسي
في الطريق حصلت اشياء غريبه مرة (أغرب من اللي في المطار) !!
لقيت مكتوب على حدى الجدران :
Chelsea is high high and Arsenal is under my sandals
ترجمتها : تشيلسي عالي عالي والأرسنال تحت نعالي
بصراحه شكيت قلت انا بلندن ولا بالنسيم ؟!!
واللي زاد شكي ان حصلت قبل حديقة "الهايد بارك" خيام يبيعون "حطب نص مستوى"
للي وده يكشت في "الهايد بارك"..... وقتها حسيت اني في حدى شيش السفانيه
..وقلت والله منتو هينين يالسعوديين ثقافتكم وصلت لندن <<< ابد تراه مايقصد شي
دخلت الملعب... لقيت المدرجات مليانه جمهور..... و(الشقر) وش كثرهن , قلت في
غظارة نفسي (>> يعني قرارة نفسي): بعذرهم الأوربيين يلعبون زين, لاقين ذا الطخوم
يستعرضون قدامهم... مهوب حنا الله يخلف علينا
ناظرت للجهة الثانية من الملعب والاّ أشوف تكارنه متجمعين في آخر المدرجات يشجعون
الأرسنال ,, يقولون:
We will eat u Piece Piece ....We will eat u like Barshomy
ماني بقايل ترجمتها اخاف يزعل علي (............)
بدت المباراة ... طبعا المدرب الله يخسه حاطني احتياط (ماعندهم اكرام الضيف .. مثلنا)
تقدم ارسنال بهدف سجله تيري هنري... وانا قاعد احاول بالمدرب يدخلني وهو رافض
.....انتهى الشوط الأول ....بدأ الشوط الثاني
وانا مازلت بالأحتياط... شوي والاّ جاب هنري الهدف الثاني ..
بعدها قفلت الأخلاق... قلت للمدرب يا تدخلني ولا ترى ابذب البدله بوجهك ....
قال المدرب: وش عنده رونالدو الغفله؟ (قالها المدرب مستهزئاً)..
وبعد شد وجذب بيني وبين المدرب اقتنع انه يدخلني ... يوم دخلت الملعب تفاجأت بالحكم
واقف قدامي ويمنعني من دخول الملعب !!!
قلت له: خير ليع تمنعني من اني ادخل ؟.. قال: هماك سعودي ؟
قلت له: لا اندونيسي منتهيه اقامته .. اكيييييد سعودي (قلتها مازحاً غاضباً)
قال: وش حيثكم بالسعوديه ماتلعبون الا ثلاث اجانب ؟ قلت له: وانت وش حارق رزك ؟
ان شاءالله نلعب بربع أجنبي.. دورينا وبكيفنا.... قال: دام الدعوة (كيف بكيف) اجل
ما تدخل الملعب إلاّ تجيب ورقة من المرور (عفوا قصدي ورقه من الفيفا)
وبعدها صار الحكم يلعب برموشه مثل هذا الأطخم==>
وانا اطير زي البرق لسويسرا مقر الفيفا... وادخل على بلاتر (رئيس الفيفا) ... وارمي
شماغي على مكتبه (مع اني ماكنت لابس شماغ!).. وقلت له: نخيتك ما نخيت الرخوم
قام بلاتر من كرسيه وقال: أبشر باللي جيت بيه (>> متأثر بالمسلسلات البدوية)
قلت له: ابغى ورقة من عندكم مختومه.. عندي مباراة مهمه الآن والحكم مانعني من اللعب
قال: الحكم صادز(صادق) لازم ورقة بس مهو كل واحد نعطيه ورقه !!!!
قلت له: يعني تبون شهود ومزكيه ولا وش السالفه ؟...
قال: لا مايحتاج ياما مشينا ملفات مهي بكامله وعقود لاعبين واهداف لكن عاد مثلك
عارف لا يخدم بخيل (>> ملعون بلاتر)
قلت له: لك مني شيك مفتوح بس عطني الورقة وخلصني
((كله على حساب ابو ثعلبه ابراموفيتش))
يوم قلت له شيك مفتوح شفت سعابيله تقوطر على المكتب وعلى طول يطلع الورقة
لا ومختومه بعد !!.. أول ما أخذت الورقة حطيت رجلي ,,
واسمعه يناديني: يابرطم وين الحساب ؟
قلت له: الحساب يوم الحساب << حركات عرابجة بوفيات النسيم
جيت لندن طااااير...
وصلت الملعب وباقي دقيقه على نهاية المباراة << لا تدققون ترانا في عصر السرعة
والنتيجه هدفين لهدف لصالح ارسنال... واجيك واحذف الورقة في خشة الحكم... وانطلق
وآخذ الكورة واجيك طاير متجه للمرمى .. يوم صرت حذفة عصى من المرمى وهو
ينبرش علي هنري بكبره >> تراه مايعرف الا ذا اللاعب من الارسنال
ويصفر الحكم عن ضربة جزاء... اول ماطحت مسكت الكورة وحضنتها وقلت والله
مايشوت البلنتي الا انا ... << ابتدائي
قلت هذي فرصتي اني ادخل بوابة العالميه, أجيب هدف تعادل لفريقي من اول لمسه
ولا وش الفرق بيني وبين رونالدينهو أساساً غير الشكل >> طبعاً الطخامة لصالحي
يوم جيت ابسدد البلنتي احترت !! أشوت يمين والاّ يسار..؟!!
بس قررت في النهايه اني اشوت بالنص على الأقل أضمن انها اذا ماجت قوول
فأنها راح تصفق خشة الحارس >> يعني كسبان في النهايه
واشوووووووت الكورة
طااااااااااااااااااااااااااااااخ
شوي ...... والا أشوف الأندومي منتثر في كل مكان بالغرفة... والقدر مطعوج من
صقعته بالجدار ... واصابع رجلي متورمة وتصب دم!!..
مدري ليه ؟؟
بس المهم اني ذاك اليوم ما ذقت الإندومي
وآآآآآآآآآآه يالأندومي
/
وتوته توته... خلصت الحدوته